केडगावमध्ये मटका अड्डयावर धाड, 11 जण पोलिसांच्या ताब्यात

दौंड : सहकारनामा ऑनलाइन

दौंड तालुक्यातील केडगाव येथे दिनांक 27/ 11/ 2020 रोजी मटका अड्ड्यावर यवत पोलिसांनी धाड टाकून 11 जणांवर गुन्हा दाखल केला आहे.

यवत पोलिसांनी दिलेल्या माहितीनुसार  विशाल हॉटेलच्या भिंतीच्या आडोशाला काही इसम मटका घेत असल्याची पोलिसांना खबर मिळाली होती. यावेळी यवत पोलिसांनी मटका बुकिंग घेणारे 3 जण तसेच तेथे मटका खेळणारे 7 जण असे एकूण 11 जणांना ताब्यात घेतले.

यवत पोलिसांनी मटक्याचा खेळ खेळवताना व खेळताना आरोपी मिळून आल्याने त्यांना मुंबई मटका जुगार कायद्यान्वये त्यांच्यावर गुन्हा दाखल केला आहे. सदर आरोपीकडून 14,390/- रुपयांची रोख रक्कम मिळून आलेली आहे.

सदरची कारवाई पोलीस अधीक्षक डाॅ. अभिनव देशमुख, अप्पर पोलीस अधीक्षक मिलिंद मोहिते, पोलीस उप अधीक्षक राहुल धस, यांच्या मार्गदर्शनाखाली पोलीस निरीक्षक भाऊसाहेब पाटील, पोलीस हवालदार बगाडे, पोलीस नाईक दशरथ बनसोडे, संतोष पंडित, संजय नगरे, नारायण जाधव, तात्या करे, राम जाधव यांच्या पथकाने केलेली आहे. पुढील तपास पोलीस हवालदार बागडे करत आहेत