मुंबई : सहकारनामा ऑनलाईन
सध्या संपूर्ण जग कोरोना सारख्या महामारीशी लढत आहे. आपल्या राज्यातही प्रत्येकजण आपापल्या परीने यामध्ये योगदान देत आहे. विविध उद्योगपती, राजकीय व्यक्ती, सामाजिक कार्यकर्ते आपली जबाबदारी समजून काही ना काही मदत करत आहेत. यात आता अधिकारीही सरसावले असून ‘कोरोना’विरुद्धच्या लढाईसाठी राज्य उत्पादन शुल्क विभागाच्या अधिकारी-कर्मचाऱ्यांच्या वतीनं विभागाचे आयुक्त कांतीलाल उमाप यांनी ‘मुख्यमंत्री सहाय्यता निधी कोविड १९’ साठी १ कोटी रु. मदतीचा धनादेश उपमुख्यमंत्री अजित पवार यांकडे सुपूर्द करत आपले सामाजिक कर्तव्य बजावले आहे.
