दौंड : दौंड तालुक्यातील बोरिपार्धी – केडगाव जिल्हा परिषद गटात काटे की टक्कर पहायला मिळत आहे. माजी आमदार रमेश थोरात यांचे पुत्र तुषार थोरात हे यावेळी जिल्हा परिषदेची निवडणूक लढवत असल्याने त्यांच्या विजयासाठी राष्ट्रवादी काँग्रेस सर्वोतपरी प्रयत्न करताना दिसत आहे.
तुषार थोरात यांनी एकेरीवाडी, केडगाव, बोरिपार्धी, पडवी, देऊळगाव गाडा, खोर या संपूर्ण जिल्हा परिषद गटात तुषार थोरात यांनी प्रचार फेरी पूर्ण केली आहे. आपला विजय होईल असा ठाम विश्वास ते या प्रचार सभेत व्यक्त करताना दिसत आहेत.
अजितदादा यांच्या अपघाती निधनानंतर तुषार थोरात यांना मत म्हणजे अजितदादांना खरी श्रद्धांजली असे स्टेटस त्यांचे कार्यकर्ते ठेवताना दिसत आहेत. तुषार थोरात यांच्या विरोधात आनंद थोरात यांचे पुत्र अभिषेक थोरात हे असून त्यांनी तुषार थोरात यांच्या समोर या निवडणुकीत आव्हान उभे केल्याचे दिसत आहे.
