पुणे ग्रामीण : राहू, ता. दौंड येथील पै. तुषार संपत डुबे याने ‘ग्रिको रोमन राज्यस्तरीय अजिंक्यपद कुस्ती स्पर्धा २०२१’ मध्ये सुवर्णपदक पटकावले आहे. तुषार डुबे याच्या कारवाईने दौंडच्या शिरपेचात मानाचा तुरा खोवला गेला आहे.
तुषार डुबे याने सातारा येथे हे झालेल्या कुस्ती स्पर्धेत हे सुवर्ण पदक पटकावले असून या विजेतेपदासह तुषारने उत्तरप्रदेशमध्ये १० ते १३ नोव्हेंबर दरम्यान होणाऱ्या राष्ट्रीय कुस्ती स्पर्धेतील आपला प्रवेश निश्चित केला आहे.
तुषारच्या या कामगिरीबद्दल पैलवान तुषार डुबे यावर चोहोबाजूंनी अभिनंदनाचा वर्षाव होत असून दौंडचे आमदार राहुल कुल यांनीही तुषार चे अभिनंदन करून त्याला येणाऱ्या राष्ट्रीय कुस्ती स्पर्धेसाठी शुभेच्छा दिल्या आहेत.
