‘सहकारनामा’ प्रतिनिधी : राहुल अवचर
देऊळगावराजे : आरोग्यदूत म्हणून ओळख असणाऱ्या राहुल कुल यांच्या कामाची पद्धत सर्वश्रुत आहे. मात्र काही कामे तर विश्वास बसणार नाही इतक्या जलद गतीने होत आहेत की गावकरीही म्हणतात ‘दादा तुस्सी ग्रेट हो…’ असाच काहीसा अनुभव आज वडगांव दरेकर येथील गावाकऱ्यांना आला आहे.
झाले असे की, दौंड तालुक्यातील वडगावदरेकर गावठाण हद्दीतील ट्रान्सफॉर्मर काल अचानक जळाला (खराब झाला). गावठाण हद्दीमध्ये दोन ट्रान्सफॉर्मर होते मात्र एक ट्रांसफार्मर जळाल्यामुळे एका ट्रांसफार्मरवर लोड आला आणि त्यामुळे वडगावदरेकर हे निम्मे गावठाण रात्री पासून अंधारात गेले. यामुळे तेथील ग्रामस्थांना मोठ्या अडचणींना सामोरे जावे लागले. आज सकाळी तेथील ग्रामस्थ कपिल माने यांनी आमदार राहुल कुल यांना फोन द्वारे ट्रान्सफॉर्मर जळाल्याची माहिती दिली.
यानंतर आ. कुल यांनी त्वरित महावितरण कंपनीचे वरिष्ठ अधिकारी यांच्याशी संपर्क करून वडगावदरेकर येथील गावठाण हद्दीतील ट्रांसफार्मर बसविण्यात यावा अश्या सूचना दिल्या. यानंतर आज दुपारी महावितरण कंपनीच्या अधिकाऱ्यांनी वडगांव दरेकर येथे येऊन त्वरित ट्रान्सफॉर्मर बसवून दिला. त्यामुळे वडगाव दरेकर येथील ग्रामस्थांनी आमदार राहुल कुल यांचे आभार मानले आहेत.
