इंदापूर : इंदापूर तालुक्यातील वडापुरी येथे असणाऱ्या अंबाजी लिंबाजी मंदिराच्या महिला पुजाऱ्याचा अज्ञात इसमाने खून केल्याची घटना उघडकीस आली आहे. खुनाची ही घटना दि.१३/०३/२०२४ रोजी सकाळी अंदाजे नउ ते साडे नउ वाजण्याच्या सुमारास घडली आहे.
मिळालेल्या माहितीनुसार वडापूरी (ता.इंदापूर) येथील अंबाजी लिंबाजी मंदीरची पुजारी पुष्पा शंकर कोमकर (वय अंदाजे ६० वर्ष) हिस सोनाईदादा भक्तनिवास मधील नारळ ठेवलेल्या रूम मध्ये कोणीतरी अज्ञात इसमाने अज्ञात कारणावरून त्यांच्या कपाळावर, चेह—यावर, तोंडावर व डोक्याच्या पाठीमागील बाजुस हत्याराने मारून त्यांची हत्या केली.
ही घटना दि.१३/०३/२०२४ रोजी सकाळी अंदाजे नउ ते साडे नउ वाजण्याच्या सुमारास घडली असल्याचे सांगितले जात आहे. याबाबत विजय वसंत काळे यांनी फिर्याद दिली आहे. घटनेचा अधिक तपास पोनि कोकणे करीत आहेत.
