|सहकारनामा|
बारामती : बारामती तालुक्यातील ठिकाणी तांदूळवाडी येथे तलवार घेऊन फिरणाऱ्या इसमास बारामती पोलिसांनी हत्यारासह जेरबंद केले आहे.
बारामती तालुका पोलीस हे गणेश उत्सवाचे अनुशंगाने तांदुळवाडी, ढेरेवस्ती येथे पेट्रोलिंग करीत असताना त्यांना
आरोपी मयुर कांतीलाल डेरे (वय.२३ वर्षे धंदा, शेती रा. ढेरेवस्ती तांदूळवाडी, बारामती) हा इसम लोखंडी धारदार शस्त्र असणारी तलवार घेऊन फिरताना मिळून आला.
पोलिसांनी त्याबाबत त्यास विचारपुस केली असता त्याने उडवा उडविची उत्तरे दिल्याने पोलिसांचा संशय बळावला त्यावेळी बारामती तालुका पोलिसांनी दोन पंचासमक्ष लोखंडी शस्त्र असणारी तलवार जप्त करत गुन्हा दाखल केला आहे.
याबाबत पोलीस शिपाई विनोद गौतम लोखंडे यांनी फिर्याद दिली असून त्यांच्या फिर्यादीवरून आरोपी मयूर कांतीलाल डेरे यावर गुन्हा दाखल करण्यात आला आहे.
