सासवड : सासवड (ता.पुरंदर) येथे एका व्यक्तीस दुचाकीस्वाराने हातातील कडयाने तोंडावर मारहाण करून जबर जखमी केल्याची घटना घडली आहे. याबाबत अमोल रजनीकांत जगताप (रा.हीवरे रोड, खंडोबानगर सासवड ता.पुरंदर) यांनी फिर्याद दिली आहे.
मिळालेल्या माहितीनुसार दि.2 जून रोजी सकाळी 11:30 वाजता अमोल जगताप हे सासवड बाजारपेठ येथून जात असताना त्यांना एका अनोळखी दुचाकीस्वाराने धडक देऊन शिवीगाळ केली तसेच तोंडावर बुक्क्या आणि हातातील लोखंडी कड्याने जबर मारहाण केली.
तेथे स्थानिक नागरिक जमायला लागल्यानंतर मोटार सायकल स्वार तेथून निघून गेला. याबाबत फिर्यादी अमोल जगताप यांनी सासवड पोलीस ठाण्यात फिर्याद दिल्याने यातील अज्ञात आरोपीवर गुन्हा दाखल करण्यात आला असून घटनेचा अधिक तपास सासवड पोलीस ठाण्याचे पो.ह. कांबळे हे करीत आहेत.
