दौंड : दौंड तालुका कृषी उत्पन्न बाजार समितीचे विद्यमान संचालक संपतराव बबनराव निंबाळकर यांचे हृदयविकाराच्या तीव्र झटक्याने निधन झाले आहे. संपतराव निंबाळकर हे नुकतेच दौंड तालुका कृषी उत्पन्न बाजार समितीवर संचालक म्हणून निवडून आले होते. त्यांच्यामागे पत्नी, दोन मुले, एक मुलगी आणि नातवंडे असा मोठा परिवार आहे.
संपतराव निंबाळकर हे एक प्रतिष्ठित आडतदार व्यापारी आणि माजी आमदार रमेश थोरात यांचे कट्टर समर्थक होते. त्यांच्या अचानक जाण्याने केडगाव परिसरात शोककळा पसरली आहे
नुकत्याच झालेल्या कृषी उत्पन्न बाजार समितीच्या निवडणुकीत संपतराव निंबाळकर हे भरगोस मतांनी निवडून आले होते. त्यांच्या निधनाची बातमी समजताच केडगाव बाजारपेठ बंद ठेऊन त्यांना श्रद्धांजली वाहण्यात आली आहे.
