केडगावचे आदर्श व्यक्तिमत्व रंगनाथ(बापू) शेळके यांचे निधन

अब्बास शेख

केडगाव : केडगाव (ता.दौंड) येथील आदर्श व्यक्तिमत्व रंगनाथ बापू शेळके यांचे आज वृद्धपकाळाने निधन झाले. बापू म्हणून ते संपूर्ण पंचक्रोशीत परिचित होते. सामाजिक कार्यकर्ते विठ्ठलनाना शेळके आणि डॉ.ज्ञानदेव शेळके यांचे ते वडील होते. निर्भीड आणि स्वच्छ प्रतिमा लाभलेले बापू हे केडगावचे आदर्श व्यक्तिमत्व होते.

बापू हे केडगावच्या देशमुखमळा येथील रहिवासी होते. केडगाव परिसरात त्यांना मोठा मान होता. केडगाव आणि परिसरात असणाऱ्या समस्त शेळके परिवारातील ते ज्येष्ठ आणि जुन्या पिढीतील आदर्श व्यक्तिमत्व होते. नागेश्वर यात्रा कमिटआणि नागेश्वर भजनी मंडळाचे ते आधारस्तंभ होते.

रंगनाथ बापू यांच्या अंत्यविधीला संपूर्ण परिसरातील नागरिकांनी मोठी गर्दी केली होती. त्यांना श्रद्धांजली वाहताना अनेकांचे डोळे पाणावले होते.