पुणे : सहकारनामा
पैसे घेवुन बनावट लग्न लावणा-या एका रॅकेटचा स्थानिक गुन्हे शाखा,पुणे ग्रामीण पोलीस पथकाकडुन पर्दाफाश करण्यात आला आहे.
या रॅकेटमधील महिला ज्योती रविंद्र पाटील (वय वर्षे 35 रा. केसनंद फाटा वाघोली) ही या टोळीतील मुख्य आरेापी असुन विवाह न जमलेल्या वयस्कर तरूणांकडुन रोख 2 ते 3 लाख रूपये घेवुन तिच्या सानिध्यात असणाऱ्या इतर स्त्रियांशी संपर्क ठेवुन विवाहीत स्त्रियांची लग्ने लावुन देत होती.
सदर विवाहीत झालेली स्त्री ही संबंधीत पुरूषाकडे 7/8 दिवस राहिलेनंतर ठरलेल्या कटाप्रमाणे विवाहीत स्त्रीला ते परत माहेरी जाण्यासाठी घेवुन जात होते मात्र नंतर नांदण्यास पाठवित नव्हते किंवा लग्न झालेली विवाहीत स्त्री ही घरात कोणी नसल्याचे पाहुन पैसे व दागदागिणे घेवुन त्या पळुन जात होत्या. मात्र आपली इज्जत जाईल या भीतीने कोणीही त्यांच्या विरूध्द तक्रार दिलेली नव्हती.
यातील मुख्य आरेापी ज्योती रविंद्र पाटील हीस गणेष अर्जुन सावळे (वय वर्षे 32 रा.दिवड ता.मावळ जि.पुणे) याचे लग्न जमत नसल्याची माहिती मिळाली. त्या माहितीचे आधारे ती दिवड ता.मावळ येथे त्याचे घरी जावुन त्याचे बाबत माहिती काढुन त्याचे कडे एक मुलगी लग्नाची असल्याचे सांगुन त्याची ओळख विद्या सतिश खंडाळे (वय वर्षे 27 रा.पद्मावती कात्रज धनकवडी) हिच्याशी करून दिली होती. (या मुलीने तिचे नांव – सोनाली मच्छिद्र जाधव रा.मालगांव ता.मालेगांव जि.धुळे असे सांगितले आहे) प्रत्यक्षात विदया खंडाळे ( सोनाली जाधव ) हीचे लग्न झालेले असुन तिस 2 मुले आहेत.
त्यानंतर दिनांक 21/1/2021 रोजी ज्योती पाटील हीने तसेच सदर गुन्हयातील इतर स्त्रीया आरेापी (1) महानंदा तानाजी कासले (वय वर्षे 39 रा. काळे पडयाळ हडपसर पुणे) (2) रूपाली सुभाष बनपटटे (वय वर्षे 37 रा. वडारगल्ली बाबा हाॅस्पीटल मागे) (3) कलावती सुभाष बनपटटे (वय वर्षे 25 रा.वडारगल्ली बाबा हाॅस्पीटल मागे) (4) सारीका संजय गिरी (वय वर्षे 33 रा. वडारवाडी बाबा हाॅस्पीटल मागे) (5) स्वाती धर्मा साबळे (वय वर्षे 24 रा. भेकराई नगर हडपसर) (6) मोना नितीन साळुके (वय वर्षे 28 रा.मांजरी महाराष्ट्र बॅके जवळ मांजरी) (7) पायल गणेष साबळे (वय वर्षे 28 रा.गडद ता.खेड जि.पुणे) यांनी विद्या सतिष खंडाळे हिला सोनाली मच्छिद्र जाधव म्हणुन लग्नास उभी करून तिचे आळंदी येथे गणेश अर्जुन सावळेशी लग्न लावुन दिले होते व त्या लग्नापोटी गणेश अर्जुन सावळे याचे कडुन 2,40,000 रू. (दोन लाख चाळीस हजार रू.) घेतले होते.
यातील नवरी मुलगी बनलेली विद्या खंडाळे ही सोनाली मच्छिद्र जाधव म्हणुन गणेश सावळे याच्याकडे नांदण्यास आलेवर ती फोनवरून वेळोवेळी तिचा प्रियकर सोन्या रसाळ याच्याशी दिवसातुन 2 ते 3 तास चर्चा करीत असल्याने घरातील लोकांना संशय आला होता. तसेच तीचे लग्न झाले बाबत सोन्या रसाळ याचेकडुन समजल्याने आपली फसवणुक झाली असल्याचे समजल्यानंतर गणेश सावळे व त्याच्या घरातील लोकांनी तिच्या हालचालीवर लक्ष ठेवले होते. दिनांक 8/2/2021 रोजी नमुद विद्याला तिचे लग्न लावणारे लोक नेण्यासाठी येणार असल्याचे गणेशला समजल्याने व जाताना विद्या ही घरातील सोने व पैसे चोरून नेणार असल्याचे तिचे फोनवरून झालेल्या चर्चेवरून समजल्याने समजले होते. ठरल्याप्रमाणे सायंकाळी 4.00 वाजण्याच्या सुमारास या स्त्रिया विद्या हिला घेऊन जाण्यासाठी घरी आल्या त्यावेळी त्या सर्व स्त्रियांच्या हालचाली संशयास्पद वाटल्याने घरातील लोकांनी सदर बाब ही LCB स्थानिक गुन्हे शाखा, पुणे ग्रामीण यांना कळविली.
त्यावेळी पुणे ग्रामिण पोलीस अधीक्षक अभिनव देशमुख, व पद्माकर घनवट, पोलीस निरीक्षक, स्थानिक गुन्हे शाखा, पुणे ग्रामीण यांच्या आदेशानुसार खालील नमुद पेालीस अधिकारी व अंमलदार यांनी हालचाली करून त्या सर्व स्त्रिया तसेच एक तवेरा वाहन व रिक्षासह 2 पुरूष असे ताब्यात घेवुन चैकशी केली असता त्या स्त्रियांकडे मोबाईल फोन तसेच विद्या खंडाळे हीच्याकडे तिने गणेश सावळे याचे घरातुन चोरलेले रोख 20,000 रू. हस्तगत करण्यात आले. सर्व संशयित आरोपींना पुढील कारवाईसाठी वडगांव मावळ पेालीस स्टेशनचे ताब्यात देण्यात आले आहे.
सदर घडले प्रकाराबाबत गणेश अर्जुन सावळे यांनी वडगावं मावळ पेालीस स्टेशनला तक्रार दिलेली आहे.
अशा प्रकारे ज्योती रविंद्र पाटील व तिचे बरोबर असणाऱ्या स्त्रियांनी अनेक तरुणांची फसवणुक केलेली असल्याची शक्यता असुन ज्यांची फसवणुक झालेली आहे अशा तरूणांनी तात्काळ स्थानिक गुन्हे शाखा, पुणे ग्रामीण किंवा वडगांव मावळ पेालीस स्टेशनशी संपर्क साधावा असे आवाहन करण्यात आले आहे.
सदर कामगिरी पद्माकर घनवट पोलीस निरीक्षक, सचिन काळे सहा.पोलीस निरीक्षक, रामेष्वर धोंडगे पोलीस उप निरीक्षक, दत्तात्रय जगताप सहा.पोलीस उप निरीक्षक, एस.के.पठाण सहा.पोलीस उप निरीक्षक, स फौ श्री.राजेंद्र थोरात, पो.हवा./50/आर.बी.पुणेकर, पो.हवा./1083/एम.जी.अयाचित, पो.ना./799/एस.जे.चंद्रषेखर, पो.काॅ./446/पी.एच.घाडगे, पो.काॅ./849/एस.पी.नाईकनवरे, पो.काॅ./410/एस.पी.अहिवळे, पो.काॅ./1422/ए.ए.नवले, म.पो.हवा./1546/एल.पी.जगताप, म.पो.हवा./1070/पी.जी.कांबळे, म.पो.ना./2533/सोनल धुमाळ यांनी केलेली आहे.
