‛केडगाव’च्या ‛उपसरपंच’ पदी सतीश बारवकर यांची ‛बिनविरोध’ निवड

दौंड : दौंड तालुक्यातील केडगाव ग्रामपंचायतच्या उपसरपंचपदी सतीश पंढरीनाथ बारवकर यांची आज बिनविरोध निवड करण्यात आली आहे. याबाबत केडगावचे सरपंच अजित शेलार पाटील यांनी ‛सहकारनामा’ ला माहिती दिली आहे.
अशोक हंडाळ यांनी आपल्या उपसरपंच पदाचा राजीनामा दिल्यानंतर हे पद रिक्त झाले होते. या पदावर आमदार राहुल कुल गटातूनच दोनजन इच्छुक असल्याने केडगावचा उपसरपंच नेमका कोण होणार याकडे सर्वांचे लक्ष लागून राहिले होते. माजी आमदार रमेश थोरात यांच्या गटाकडून उमेदवार उभे करण्याची घोषणा करण्यात आली होती मात्र यावेळी त्यांच्या गटातून कुणाचाही उमेदवारी अर्ज शेवटच्या क्षणापर्यंत आलाच नाही. त्यामुळे उपसरपंच पदासाठी एकमेव उमेदवारी अर्ज हा सतीश बारवकर यांचा आल्याने त्यांची उपसरपंचपदी बिनविरोध निवड झाल्याचे केडगावचे सरपंच अजित शेलार यांच्याकडून घोषीत करण्यात आले. यावेळी केडगावचे ग्रामविकास अधिकारी काळे भाऊसाहेब हे उपस्थित होते.