Indian Army – अण गावकऱ्यांच्याही अश्रूंचा बांध फुटला, कोऱ्हाळे (बारामती) येथील जवान जम्मू-काश्मीरमध्ये धारातीर्थी

बारामती – सहकारनामा

बारामती तालुक्यातील कोऱ्हाळे येथील देश सेवेत असणारे जवान बिंटू राजाराम सुळ यांना जम्मू-काश्मीर येथे 29 डिसेंबर रोजी कर्तव्यावर असताना धारातीर्थी पडले. 

भारतीय जवान बिंटु सूळ यांच्यामागे आई-वडील, पत्नी, दोन मुले, दोन भाऊ असा मोठा परिवार आहे.

काल शनिवारी बिंटू सुळ यांचे पार्थिव बारामती तालुक्यातील कोऱ्हाळे येथे येताच नागरिकांनी एकच गर्दी केली होती.

या वेळी कोऱ्हाळे गावातील वातावरण अत्यंत शोकाकुल बनले होते. उपस्थित नागरिकांनी यावेळी भारत माता की जय, जवान बिंटु सूळ अमर रहे अशा घोषणा दिल्या.

बिंटू सुळ यांची सैन्यदलातील सेवा पूर्ण झाली होती मात्र त्यांनी देशसेवेसाठी पुन्हा आपला कार्यकाळ वाढवून घेतला होता.

बिंटू सुळ यांचे पार्थिव गावात येताच त्यांच्या कुटुंबीयांनी हंबरडा फोडला हे पाहताच गावकऱ्यांनाही आपले अश्रू अनावर होऊन त्यांनीही आपल्या अश्रूंना वाट मोकळी करून दिली.