Fight Against Corona : दौंड शहरातील ‛85’ वर्षीय माऊलीची कोरोनावर मात

दौंड शहर : सहकारनामा ऑनलाईन (अख्तर काझी)

दौंडकरांच्या मनातील कोरोना बाबतची भीती जाऊन त्यांचा आत्मविश्वास वाढवणारी घटना आज शहरात पाहायला मिळत आहे. येथील ८५ वर्षीय माऊलीने कोरोनवर मात केली आहे. 

पतित पावन संघटनेचे प्रांत उपाध्यक्ष तथा हरिओम उद्योग समूहाचे संस्थापक अध्यक्ष राजेश पाटील यांच्या सासू शांताबाई गोपालदास मूलचंदानी (वय ८५) यांनी कोरोना विरोधातील लढाई जिंकुन दाखवली असून याबाबतची माहिती खुद्द राजेश पाटील यांनी दिली आहे.

दिनांक १५ जुलै रोजी त्यांना कोरोनाची लागण झाले असल्याचे निदान झाले होते, त्यांना अहमदनगर येथील सिव्हिल हॉस्पिटल (नोबेल हॉस्पिटल) येथे उपचारासाठी दाखल करण्यात आले होते. आज त्यांची तपासणी केली असता त्या कोरोनामुक्त झाल्या असल्याची माहिती दवाखाना प्रशासनाने दिली आहे.

त्यांची तब्येत एकदम ठणठणीत होऊन त्या घरी परतल्या आहेत. याच कुटूंबातील ५ जणाना कोरोनाची लागण झाली होती, परंतु आज ते ही सर्वच्यासर्व जण बरे झाले आहेत.