Daund : पार्थ दादा आम्ही तुमच्या सोबत, तुषार थोरतांच्या ट्विटने दौंड राष्ट्रवादीत खळबळ

दौंड : सहकारनामा ऑनलाइन

दोन दिवसापूर्वी उपमुख्यमंत्री अजित पवार यांचे चिरंजीव पार्थ पवार यांनी मराठा आरक्षण संदर्भात मराठा नेत्यांनी एकत्र येऊन लढ़ा दिला पाहिजे व मराठा आरक्षण साठी सुप्रीम कोर्ट मध्ये जाणार असे ट्वीट केले होते.

राज्यातील अनेक तरुणांनी त्यांच्या या निर्णायाचे स्वागत केले असून दौंड तालुक्यात सुद्धा जिल्हाबँकेचे अध्यक्ष रमेश थोरात यांचे पुत्र तुषार थोरात यांनी पार्थ पवार यांच्या भूमिकेला ट्विट करून पाठींबा दिला आहे.

आज त्यांनी ट्विट केल्यानंतर त्या संदर्भात माहिती देताना असे म्हटले आहे की मराठा समाजाच्या उज्ज्वल भविष्यासाठी पार्थ पवारांनी जे पाऊल उचलले आहे हे नक्कीच समाजाला ताकद देणारे आहे, आम्हाला आपला अभिमान आहे, त्यामुळे आम्ही पार्थ पवार यांच्या सोबत आहोत. असे ट्वीट तुषार थोरात यांनी करून पार्थ पवार यांना पाठिबा दिला आहे. 

सध्या पार्थ पवार आणि त्यांचे आजोबा शरद पवार यांच्यात ताळमेळ बसताना दिसत नाही. मागे पार्थ पवारांनी सुशांत सिंह प्रकरणात आपली भूमिका मांडल्यानंतर शरद पवारांनी मिडीया समोर आपण पार्थ पवारांच्या म्हणण्याला काडीचीही किंमत देत नसल्याचे सांगितले होते आणि यामुळे गृह कलह होतो का काय अशी परिस्थिती निर्माण झाली होती. आता मात्र पार्थ पवारांच्या म्हणण्याला राष्ट्रवादीतूनच पाठिंबा मिळत असल्याने राष्ट्रवादीतच जेष्ठ आणि युवा असे दोन गट पडतात की काय अशी शंका उपस्थित केली होत असून याबाबत पुढे काय होते हे पाहणे औत्सुक्याचे ठरणार आहे.