Daund – केडगाव पुनर्वसनच्या प्रश्नांबाबत शिवसेना आक्रमक, तलाठी कार्यालयाला ठोकले टाळे

दौंड : सहकारनामा

दौंड तालुक्यातील केडगाव आंबेगाव पुनर्वसनच्या विविध प्रश्नांबाबत केडगाव तलाठी यांच्याकडून होत असलेल्या दिरंगाईबाबत नागरिकांनी अनेक वेळा सबंधित कार्यालयाकडे  लेखी व तोंडी तक्रारी देऊन देखिल काहीही उपयोग होत नसल्यामुळे केडगाव पुनर्वसन ग्रामस्थ व शिववसेनेचे उपजिल्हा प्रमुख महेश पासलकर यांनी तलाठी कार्यालयाला टाळे ठोकले आहे. जो पर्यंत वरिष्ठ अधिकारी तलाठी कार्यालयाला भेट देऊन संबधितांवर कार्यवाही करत नाहीत तो पर्यंत सदर तलाठी कार्यालयाचे टाळे खोलणार नाही असा निर्धार यावेळी उपस्थितांनी केला आहे.

या बाबत शिवसेनेचे उपजिल्हाप्रमुख महेश पासलकर यांनी माहिती देताना पुनर्वसन गावठाणांवर व जमिनींवर होत असलेल्या अतिक्रमणांबाबत अनेक वेळा वरिष्ठांना निवेदन दिले आहे. त्यामुळे या बाबत सबंधित महसूल अधिकाऱ्यांनी त्वरीत योग्य ती कार्यवाही करणे अपेक्षित आहे असे सांगितले.