दौंड : सहकारनामा
हिंदू हृदय सम्राट शिवसेना प्रमुख स्वर्गीय बाळासाहेब ठाकरे यांचा 95 वा जयंती दिन दौंड शहरात मोठ्या उत्साहात पार पडला.
या निमित्ताने बाळासाहेबांच्या प्रतिमेस मान्यवरांनी पुष्पहार अर्पण करीत अभिवादन केले. बाळासाहेबांच्या जयंतीचे औचित्य साधून शिवसैनिक अमोल जगताप याच्या पुढाकाराने होतकरू शालेय विद्यार्थ्यांसाठी अत्यंत अल्पदरात संपूर्ण संगणक संच उपलब्ध करून देण्यात आले, तसेच उपस्थित मान्यवरांच्या हस्ते मोफत शिवभोजनाचे वाटप ही करण्यात आले. शिवसेनेचे पदाधिकारी अनिल सोनवणे, अमोल जगताप,अशोक जगदाळे, हरीश खोमणे, रवी पवार यांनी आपल्या मनोगतातून बाळासाहेबांच्या विचारांवर व कार्यशैलीवर प्रकाश टाकला.
याप्रसंगी नगराध्यक्षा शितल कटारिया, नगरसेविका पूजा गायकवाड, हेमलता परदेशी, नगरसेवक बादशहा शेख, राजेश गायकवाड, शहानवाज पठाण, वसीम शेख, गौतम साळवे, दत्ताजी शिनोलीकर, संतोष जगताप, राजेंद्र खटी, सचिन कुलथे, गणेश दळवी, निलेश सावंत, नामदेव राहिंज, रुपेश बंड तसेच विविध पक्षाचे पदाधिकारी, शिवसैनिक उपस्थित होते.
