पुणे : सहकारनामा (हनुमंत चिकणे)
कुंजीरवाडी (ता. हवेली ) ग्रामपंचायत हद्दीतील मंगल कार्यालयात पार्क केलेली दुचाकी अज्ञात चोरट्यांनी पळवून नेल्याची घटना गुरुवारी संध्याकाळी आठ वाजण्याच्या सुमारास उघडकीस आली आहे.
याप्रकरणी शुभांगी बाळासाहेब चोरघे (वय- ४२, रा.लोणकरमळा, सोरतापवाडी, ता. हवेली ) यांनी लोणी काळभोर पोलिसात तक्रार दिली आहे.
पोलिसांनी दिलेल्या माहितीनुसार, शुभांगी चोरघे या शेती करतात. गुरुवारी नातेवाईकांचा लग्नाचा कार्यक्रम कुंजीरवाडी हद्दीतील एका मंगल कार्यालयात होता. त्यामुळे जवळील दुचाकी घेऊन कार्यक्रमाला संध्याकाळी सहा वाजण्याच्या सुमारास आल्या होत्या.
दरम्यान, कार्यक्रम झाल्यानंतर आठ वाजण्याच्या सुमारास घरी परत जाण्यासाठी निघाल्या असता ज्या ठिकाणी दुचाकी लावली होती. त्या ठिकाणी आढळून आली नाही. परिसरात आसपास दुचाकीचा शोध घेतला.
मात्र दुचाकी आढळून आली नाही. यावरून कोणीतरी अज्ञात चोरट्याने दुचाकी चोरून नेल्याची तक्रार लोणी काळभोर पोलिसात दिली. तपास पोलिस हवालदार सचिन पवार करीत आहेत.
