दौंड : सहकारनामा
दौंड तालुक्यातील डाळिंब येथे यवत पोलिसांनी छापा टाकून तेथे सुरू असलेला बेकायदेशीर वाळू उपसा बंद केला आहे. यावेळी तेथे वाळू उपसा करणारे एक पोकलेन मशीन जप्त करण्यात आले आहे.
मिळलेल्या माहितीनुसार डाळिंब गावचे हद्दीत काही इसम बेकायदेशीर अवैधरित्या वाळू उपसा करीत असलेबाबतची माहिती यवतचे पोलीस निरीक्षक भाऊसाहेब पाटील यांना मिळाली होती. सदर माहितीच्या आधारे त्यांनी तेथे पोलीस कॉन्स्टेबल हेमंत कुंजीर यांना रवाना केले होते.
त्यावेळी सदर ठिकानावरून पो कॉ कुंजीर यांना वाळू उपसा करणारे एक लाल रंगाचे टाटा कंपनीचे पोकलेन मशीन दिसून आले ते त्यांनी ताब्यात घेत पुढील दांडात्मक व कायदेशीर कारवाई करिता दौंड तहसीलदार यांच्या पथकाच्या ताब्यात देण्यात आले.
सदर जप्त केलेले मशीन SRPF ग्रुप दौंड येथे लावणेत आले आहे.
दौंडचे तहसीलदार यांचे मार्फत सदर ठिकाणी झालेल्या वाळू उपश्याबाबत पंचनामा करण्यात आला असून 20 ब्रास माती मिश्रीत वाळू जप्त करण्यात आली आहे.
सदरची कारवाई पोलीस अधीक्षक डॉ.अभिनव देशमुख यांचे मार्गदर्शनाखाली पोलीस निरीक्षक भाऊसाहेब पाटील, पो कॉ हेमंत कुंजीर, पो.कॉ.सुजित जगताप, पो कॉ विजय आवाळे, तसेच महसूल विभागातील मंडळ अधिकारी कोकरे ,गावकामगर तलाठी प्रकाश कांबळे, कैलास बाठे, उद्धव गोसावी, किशोर परदेशी, मनोज तेलंग यांच्या पथकाने केली आहे.
