दौंड : सहकारनामा
दौंड तालुक्यामध्ये कोरोना बाधितांचा आकडा वाढत चालला असून नागरिकांमध्ये कोरोनाची बाधा झपाट्याने होऊ लागल्याने आता तालुक्यात कोरोनाला आटोक्यात आणणे गरजेचे बनले आहे.
आज दि.9 मार्च रोजी दौंड उपजिल्हा रुग्णालयाकडून आलेल्या अहवालानुसार आज तब्बल 19 जणांना कोरोनाची बाधा झाल्याचे समोर आले आहे. यामध्ये 12 महिला आणि 7 पुरुषांचा समावेश आहे अशी माहिती दौंड उपजिल्हा रुग्णालयाचे वैद्यकीय अधीक्षक डॉ.संग्राम डांगे यांनी दिली आहे.
डॉ.संग्राम डांगे यांनी दिलेल्या माहितीनुसार दौंड शहर 4, कुरकुंभ 7, गोपाळवाडी 6, दौंड शुगर फॅक्टरी 1, येडेवाडी 1 असे एकूण 19 जण पॉझिटिव्ह आढळून आले आहेत.
नागरिकांनी सोशल डिस्टनसिंग पाळावे, हाथ साबणाने स्वच्छ धुवावे, मास्क वापरावे, सॅनिटायजरचा वापर करावा असे आवाहन त्यांनी केले आहे.
