दौंड : सहकारनामा
दौंड तालुक्यातील केडगाव परिसरामध्ये चोरट्यांनी धुमाकूळ घातला आहे. एक-दोन दिवसाच्या फरकाने कुठे न कुठे चोऱ्या होऊ लागल्या आहेत. केडगाव, वाखारी या गावांना जणू आता या चोरट्यांनी टार्गेटच केल्याचे पाहायला मिळत आहे.
परंतु काही ठिकाणी जागरूक नागरिकांमुळे या चोरट्यांचा डाव फसतानाही दिसत असून असाच काहीसा प्रकार केडगावच्या शिवेवर असणाऱ्या वाखारी येथे दि. 30 जानेवारी रोजी रात्री अडीच वाजण्याच्या सुमरास घडला आहे. चोरट्यांनी वाखारी येथील बाळासाहेब उर्फ कृष्णा शिवराम जगताप (रा.वाखारी ता.दौंड.जि.पुणे) यांच्या घरी चोरी करण्याच्या उद्देशाने त्यांच्या घराच्या आवारामध्ये प्रवेश केला आणि त्यांची बुलेट चोरून घेऊन जाण्याच्या प्रयत्न करीत असतानाच बाळासाहेब जगताप यांना जाग आली.
बुलेट चोरताना घटना CCTV कॅमेऱ्यात कैद
आपली गाडी कुणीतरी घेऊन जात आहे असा संशय त्यांना आल्याने ते उठून उभे राहिले आणि चोरट्यांनी चोरलेली बुलेट चालू करून घेऊन जाण्याच्या तयारीत असतानाच कुणीतरी जागे झाले आहे याची कुन कुन लागल्याने त्यांनी ती बुलेट रस्त्यावरच सोडून धूम ठोकली.
नागरिकाच्या जागृकतेमुळे चोरट्यांचा डाव फसला..पहा व्हिडीओ
हा सर्व प्रकार सीसीटीव्ही मध्ये कैद झाला असून यामध्ये दोन चोरटे हि गाडी चोरताना दिसत आहेत तर दुसऱ्या फुटेजमध्ये जगताप जागे झाल्याने चोरटे पळून गेल्याचे पाहायला मिळत आहे.
