सावधान : गाफिल राहू नका, ‘ही’ आहे उद्या उमेदवारी अर्ज मागे घेण्याची ‘शेवटची वेळ’

दौंड : ग्रामपंचायत निवडणूक कार्यक्रम जाहिर झाल्यानंतर उमेदवारी अर्ज दाखल करताना अनेकांना सर्व्हर डाउन चा फटका बसला होता त्यामुळे उमेदवारी अर्ज दाखल करण्यासाठी अडीच तास वेळ वाढवून देण्यात आली होती.

मात्र ही वेळ सर्वच बाबतीत वाढवून देण्यात आली नसून ती फक्त उमेदवारी अर्ज दाखल करण्यात पुरती वाढवून देण्यात आली होती. त्यामुळे उद्या 25 तारखेला उमेदवारी अर्ज मागे घेण्याचा शेवटचा दिवस असून उमेदवारी अर्ज मागे घेण्याची वेळ ही दुपारी 3 वाजेपर्यंतच असणार आहे. त्यामुळे कुणी जर तुम्हाला उमेदवारी अर्ज मागे घेण्याची वेळ वाढवून देण्यात आल्याचे सांगत असेल तर हे खोटे आहे.

याबाबत दौंड चे तहसीलदार अरुणकुमार शेलार यांनी सहकारनामा शी बोलताना, उमेदवारी अर्ज मागे घेण्याची वेळ दुपारी 3:00 वाजेपर्यंत असल्याचे सांगितले आहे.