पुण्यात कोरोनाचे संशयित रुग्ण आढळले

पुणे : सहकारनामा ऑनलाइन

– दुबई येथे जाऊन आलेल्या पुण्यातील दोघांमध्ये कोरोना  व्हायरस आला असल्याने वैद्यकीय जगतामध्ये खळबळ माजली आहे. पुणे शहरामध्ये  कोरोनाचे आढळून आलेले ते दोन रुग्ण सध्या नायडू हॉस्पिटलच्या दक्षता कक्षामध्ये दाखल करण्यात आले असून त्यांच्यावर उपचार सुरु आहेत. दोघांचीही प्रकृती स्थिर असून त्यापैकी एका रुग्णामध्ये  कोरोनाची सौम्य लक्षणे दिसून येत आहे. तर दुस-या  रुग्णामध्ये अद्याप लक्षणे आढळून आली नसल्याची माहिती मिळत आहे. या रुग्णांच्या संपर्कात आलेल्यांची माहिती घेवून त्यांच्यावर बारीक लक्ष ठेवण्यात येत आहे. नागरिकांनी घाबरुन जाण्याची काहीही कारण नाही. होळी, धुळवड,  तुकाराम बीज तसेच गांवोगांव भरणा-या यात्रा व ऊरुसांच्या पार्श्वभूमीवर गर्दीची ठिकाणे टाळण्याचे आवाहन प्रशासनाने केले आहे.  होळी सण आपल्या कुटुंबियांसोबतच साजरा  करण्याचे आवाहन विभागीय आयुक्त डॉ. दिपक म्हैसेकर आणि पुण्याचे जिल्हाधिकारी नवल किशोर राम यांनी केले आहे.