दौंड : सहकारनामा ऑनलाईन(अब्बास शेख)
दौंड तालुक्यातील वरवंड येथे पुन्हा एकजनाला कोरोनाची लागण झाली असल्याची माहिती यवत ग्रामीण रुग्णालयाचे आरोग्य अधिकारी डॉ.इरवाडकर यांनी दिली आहे.
वरवंड गावात सापडलेला हा इसम परप्रांतीय कामगार असल्याची प्राथमिक माहिती समोर येत असून त्याचा “कोरोना” पॉझिटिव्ह असल्याचा वैद्यकीय अहवाल आज प्राप्त झाला आहे. यवत ग्रामीण रुग्णालयाच्या माध्यमातून तीन जणांची कोरोना टेस्ट सरकारी लॅबमध्ये करण्यात आली होती त्यामध्ये हा एक इसम कोरोना पॉझिटिव्ह आढळून आला आहे. बाकी दोघांचे रिपोर्ट निगेटिव्ह आले आहेत. या इसमाच्या संपर्कात अलेल्यांचीही कोविड टेस्ट घेण्यात येणार असल्याचे प्राथमिक आरोग्य केंद्राचे वैद्यकीय अधिकारी डॉ बनसोडे यांनी दिली आहे.
