पुणे : सहकारनामा ऑनलाईन
राष्ट्रवादी काँग्रेस पक्षाचे ज्येष्ठ नेते शरद पवार यांच्याबद्दल आक्षेपार्ह विधान केल्याने राष्ट्रवादी काँग्रेसच्या कार्यकर्त्यांनी भारतीय जनता पार्टीचे आमदार गोपीचंद पडळकर यांचा पुतळा जाळून निषेध व्यक्त केला.
आ.पडळकर यांनी पंढरपूरमध्ये राष्ट्रवादीचे अध्यक्ष शरद पवार यांच्याबद्दल आक्षेपार्ह विधान केले होते. यानंतर याचे पडसाद संपूर्ण राज्यात उमटत असल्याचे पाहायला मिळत आहे. पुण्यातहि राष्ट्रवादी कॉंग्रेसच्या कार्यकर्त्यांनी महात्मा फुले मंडईत असणाऱ्या लोकमान्य टिळक यांच्या पुतळ्यासमोर आंदोलन केले. यावेळी राष्ट्रवादीचे जयदेव गायकवाड, अंकुश काकडे, रविंद्र माळवदकर, राजलक्ष्मी भोसले, बाबुराव चांदेरे, प्रदीप देशमुख, शशिकला कुंभार इत्यादी नेते, कार्यकर्ते उपस्थित होते.
