केडगावमध्ये मुसळधार पाऊस

दौंड : सहकारनामा ऑनलाईन

दौंड तालुक्यातील केडगाव परिसरामध्ये आज रविवारी सायंकाळी सात वाजण्याच्या सुमारास यावेळी आलेल्या मुसळधार पावसाने हजेरी लावली. गेल्या दोन दिवसांपासून कमालीचा उकाडा जाणवत होता. आज सायंकाळी अचानकपणे जोराचे वारे वाहू लागले आणि काहीवेळातच मुसळधार पावसाला सुरुवात झाली. कोरोनाच्या प्रादुर्भावामुळे नागरिकांना घरात बसून राहावे लागत आहे त्यातच दोन दिवस मोठ्या प्रमाणावर उकाडा वाढल्याने याचा मोठा त्रास नागरिकांना जाणवत होता. आज झालेल्या या पावसामुळे घरात बसणाऱ्या नागरिकांना दिलासा मिळाला आहे. मात्र शेतामध्ये असणाऱ्या उभ्या पिकाला याचा फटका बसून शेतकऱ्यांचे नुकसान होण्याचा अंदाज वर्तवला जात आहे.