दौंड : सहकारनामा ऑनलाईन (अब्बास शेख)
आज सायंकाळी दौंड तालुक्यामध्ये वादळी वाऱ्यासह जोरदार पावसाने हजेरी लावली आहे. गेले तीन दिवस असह्य असा उकाडा जाणवत होता त्यामुळे एखादा चांगला पाऊस येईल असा अंदाज शेतकरी वर्गातून व्यक्त केला जात होता.
दौंड जवळपास सर्वच गावांमध्ये वादळी वाऱ्यासह पावसाने हजेरी लावली. सायंकाळी साडे पाच ते सहाच्या दरम्यान विविध ठिकाणी वादळी वाऱ्यासह पावसाने हजेरी लावली. काही ठिकाणी तर रात्री आठ वाजल्यानंतर हि मोठ्या प्राणावर पाऊस सुरूच होता.
या वर्षी दौंड तालुक्यामध्ये समाधानकारक पाऊस झाल्याने शेतकरी वर्गामध्ये आनंदाचे वातावरण आहे तसेच धरण साखळीतही चांगला पाऊस होऊन धरणे भरली असल्याने पुढील सहा-सात महिन्यांची पाण्याची चिंता मिटली आहे.
