मुंबई : सहकारनामा ऑनलाइन
राज्याचे उपमुख्यमंत्री अजितदादा पवार यांना कोरोनाची लागण झाल्याचे आता दुसऱ्या चाचणीतून स्पष्ट झाले आहे.
अजितदादांनी राज्यात प्रवर्षण भागाचा दौरा केला होता त्यानंतर त्यांना थकवा, ताप जाणवत होता. या नंतर त्यांनी स्वतः विलगिकरनात राहण्याचा निर्णय घेतला होता.
आज सकाळी त्यांची कोरोना चाचणी पॉझिटिव्ह आल्यानंतर त्यांच्या ट्वीटर अकाउंट वरून कोरोना चाचणी पॉझिटिव्ह आल्याचे सांगितले आहे. अजितदादा यांनी माहिती टाकताना माझी कोरोनाची चाचणी पॉझिटिव्ह आली असून प्रकृती उत्तम आहे.
सावधतेचा उपाय म्हणून डॉक्टरांच्या सल्ल्याने ब्रीच कॅन्डी रुग्णालयात दाखल झालो आहे.
राज्यातील नागरिक, राष्ट्रवादी काँग्रेसह राज्यातील सर्व राजकीय पक्षांचे नेते, पदाधिकारी, कार्यकर्ते यांना विनंती आहे की, काळजी करण्याचे काहीही कारण नाही. माझी प्रकृती उत्तम असून थोड्याश्या विश्रांतीनंतर मी लवकरच आपल्यासोबत असेन असे त्यांनी सांगितले.
