उद्या विरोधी पक्षनेते देवेंद्र फडणवीस दौंडमध्ये ! आ.राहुल कुल यांसोबत करणार अतिवृष्टीमुळे झालेल्या नुकसानीची पाहणी

दौंड : सहकारनामा ऑनलाइन

राज्याचे विरोधी पक्षनेते देवेंद्रजी फडणवीस व दौंडचे आमदार राहुल कुल हे उद्या दौंड तालुक्यातील कुरकुंभ, मळद व स्वामीचिंचोली या पूरग्रस्त व अतिवृष्टीमुळे नुकसान झालेल्या भागाची पाहणी करणार आहेत. 

उद्या दि. १९ रोजी सकाळी १०.३० वा देवेंद्र फडणवीस हे दौंड तालुक्यामध्ये येणार असून ते तालुक्यातील नुकसानग्रस्त भागात जाऊन तेथील शेतकऱ्यांचे झालेले नुकसान आणि त्यांच्या  विविध मागण्या जाणून घेणार आहेत अशी माहिती दौंडचे आमदार राहुल कुल यांनी दिली.

दौंड तालुक्यामध्ये परतीच्या पावसामुळे शेतकरी आणि नागरिकांचे मोठे नुकसान झाले आहे. अनेक ठिकाणी बंधारे, नाले, तलाव फुटून लोकवस्तीमध्ये पाणी शिरले होते. त्यामुळे शेतकऱ्यांना मोठा फटका बसला आहे.