मुंबई : जुन्या जमान्यातील प्रसिद्ध विनोदी कलाकार आणि बॉलिवूड हस्यसम्राट जगदीप उर्फ सय्यद इश्तियाक अहमद जाफरी यांचे आज निधन झाले. ते 81 वर्षांचे होते. जगदीप यांनी जवळपास 300 चित्रपटांमध्ये काम केले होते.
त्यांचा जन्म १९३९ साली मध्य प्रदेशातील दतिया जिल्ह्यात झाला होता. त्यांनी बी.आर. चोपडा यांच्या अफसाना या चित्रपटात बाल कलाकार म्हणुन काम करत केली. त्यांची शोलेतील सुरमा भोपाली ही भूमिका अजरामर झाली होती.
