खाकी वर्दीतील पोलिसांनी पुन्हा घडवले माणुसकीचे दर्शन, राज्य राखीव पोलिसांकडून रक्तदान शिबिराचे आयोजन

दौंड : सहकारनामा ऑनलाइन (अख्तर काझी)

कोरोना विषाणू पार्श्वभूमीवर महाराष्ट्रातील बाधित रुग्णांना रक्ताची गरज भासत आहे, या या पार्श्वभूमीवर शहरातील राज्य राखीव पोलीस  बल गट क्रमांक पाच व सात यांच्याकडून संयुक्त रित्या रक्तदान शिबीराचे आयोजन करण्यात आले. या शिबिराचे उदघाटन गट  पाच चे समादेशक तानाजी चिखले, सात चे श्रीकांत पाठक यांनी केले. रक्तदानाचे महत्त्व गट पाच चे वैद्यकीय अधिकारी डॉ नितीन भोसले यांनी समजावून सांगत प्रास्ताविक केले.

   या रक्तदान शिबिरात १०१ बाटल्या रक्त संकलित झाले. या शिबिरात पोलीस जवानांनी सहभाग घेतला होता. तर पाच जवानांनी प्लाझमा डोनेशन करिता रक्ताचे नमुने तपासणी साठी दिले.

या कार्यक्रमाच्या प्रसंगी गट पाच चे सहाय्यक समादेशक सुभाष धुमाळ, गट सात चे सहाय्यक समदेशक चंद्रकांत शारबिद्रे, फौजदार पद्माकर पारखे, सचिन डहाळे , सहाय्यक फौजदार मोहन कांबळे, राजू खेडकर ,संतोष साळुंके, महेश देशमुख, आदी उपस्थित होते. गट सातच्या अष्टविनायक सभागृहात हा कार्यक्रम पार पडला,  ससून सर्वोपचार रुग्णालय, रक्तपेढी पुणे यांनी रक्त संकलित केले.