दौंड : सहकारनामा ऑनलाईन (अब्बास शेख)
दौंड तालुक्यातील चौफुला येथील एकजण तर पाटस येथील एक असे मिळून दोघेजण कोरोना पॉझिटिव्ह आले आहेत. यवत, केडगाव, बोरीपार्धी, चौफुला, पाटस या गावांतील एकूण 41 जणांची कोरोना टेस्ट करण्यात आली होती त्यामध्ये हे दोनजन पॉझिटिव्ह आले आहे. याबाबत यवत ग्रामीण रुग्णालयाचे वैद्यकीय अधीक्षक डॉ.इरवाडकर यांनी माहिती दिली आहे.
काल आणि आज केडगाव येथील चारजण कोरोना पॉझिटिव्ह आले होते तर यवत, पडवी आणि मलठण येथील 3 जण कोरोना पॉझिटिव्ह आले होते. आज पुन्हा चौफुला (बोरीपार्धी) येथील एकजण आणि पाटस येथील एकजण पॉझिटिव्ह आल्याने दौंड तालुक्यात कोरोनाने आपले जाळे सर्वत्र विणण्यास सुरुवात केल्याचे दिसत आहे.
