पुण्यात पप्पू पडवळचा गेम, घरात घुसून कोयत्याने सपासप वार

पुणे : सहकारनामा ऑनलाईन

पुण्यात काही दिवसांपासून खुनाच्या घटना घडत असून या खुणांचे सत्र काही केल्या थांबायचे नाव घेईना. पोलिसांवर कोरोना ड्युटीचा असलेला ताण लक्षात घेता या घटना रोखण्याचे आवाहन पोलिसांपुढे उभे राहिले आहे. कोंढवा येथे गुन्हेगारी पार्श्वभूमी आलेला सराईत गुन्हेगाराचा राहत्या घरात घुसून गेम करण्यात आल्याची घटना आज घडली आहे. हा खून घरात घुसून कोयत्याने वार करून करण्यात आल्याचे समोर येत आहे. याबाबत पोलिसांना माहिती मिळताच पोलिसांनी घटनास्थळी धाव घेत तपास सुरू केला आहे. खून झालेल्या इसमाचे नाव पप्पू पडवळ असे असून तो कोंढवा येथे राहत होता. या खून प्रकरणी कोंढवा पोलीस ठाण्यात गुन्हा दाखल करण्याचे काम सुरू करण्यात आले आहे. पोलिसांकडून मिळालेल्या माहितीनुसार, पप्पू पडवळ हा रेकॉर्डवरील गुन्हेगार असून त्याच्यावर या अगोदरही एका टोळीकडून हल्ला झाला होता. त्याचा व्याजाने पैसे देण्याचा धंदा असल्याचे समोर येत आहे.