नवी दिल्ली –
दिल्ली उच्च न्यायालयाने संपादक अर्णब गोस्वामीला फटकारत निर्देश दिले आहेत की कोणत्याही परिस्थितीत तुम्हाला माध्यमाच्या माध्यमातून न्यायालयात सुरू असलेल्या खटल्या संबंधी समांतर चाचण्या करता येणार नाहीत. वास्तविक दिल्ली उच्च न्यायालयाचे न्यायाधीश मुक्ता गुप्ता यांनी कॉंग्रेस नेते शशी थरूर यांच्या याचिकेवर ही टिप्पणी केली आहे. शशी थरूर यांची पत्नी सुनंदा पुष्कर यांच्या मृत्यूप्रकरणी तपास पूर्ण होईपर्यंत शशी थरूर यांनी अर्णब गोस्वामी यांच्या वाहिनीवरील खटल्याशी संबंधित अहवाल थांबवावा यासाठी न्यायालयात याचिका दाखल केली होती.
यावर कोर्टाने अर्णब गोस्वामीला संयम ठेवण्याचे निर्देश दिले आहेत. तसेच कोर्टाने अर्नब गोस्वामीला या प्रकरणात उत्तर दाखल करण्यास सांगितले आहे. या सुनावणी दरम्यान न्यायाधीश मुक्ता गुप्ता म्हणाल्या ‘मीडियाने समांतर खटले चालविणे टाळले पाहिजे. कोणालाही दोषी ठरवू नये. तसेच अनियंत्रित दावेही टाळले पाहिजेत. पुढे बोलताना त्यांनी तपस आणि चौकशीचे पावित्र्य समजावून घेऊन त्याचा आदर केला पाहिजे असेही सांगितले.
अर्णब गोस्वामी सुनंदाच्या हत्येचा दावा कसा करु शकतात?
थरूर यांचे वकील कपिल सिब्बल यांनी कोर्टात सांगितले की सुनंदा पुष्कर प्रकरणात अद्याप आरोपपत्र दाखल झाले नाही. आतापर्यंत त्यांच्या हत्येचा विषय समोर आला नाही. पण अर्णब गोस्वामी आपल्या कार्यक्रमात असे दावा करत असतात की सुनंदाची हत्या झाली आहे आणि याबद्दल त्याला शंका नाही. या आरोपामुळे अर्णब गोस्वामीला फटकारले गेले आहे
