पुणे : सहकारनामा ऑनलाइन (अब्बास शेख)
देवयानी शिवाजी ननवरे वय वर्ष आठ वर्ष हिने इंडोनेशिया येथे झालेल्या आंतरराष्ट्रीय कल्चरल डान्स स्पर्धेमध्ये प्रथम क्रमांक मिळवला आहे. 2018 आणि 2019 सालीही तीने बँकॉक येथे झालेल्या कल्चरल डान्स स्पर्धेमध्ये प्रथम क्रमांक मिळविला आहे.
सध्या ती एंजल हायस्कूल येथे ही CBSC मध्ये तिसऱ्या वर्गात शिकत असून नृत्यमल्हार या राज्यस्तरीय नृत्य स्पर्धेमध्ये तिला वैयक्तिक गटामध्ये प्रथम क्रमांक सांघिकमध्ये द्वितीय क्रमांक मिळाला आहे. तिला मॉडेलिंग ची ही आवड असून ती मिस्सी पुणे प्राईड या लहान मुलांच्या मॉडेलिंगच्या शोमध्ये विनर आहे. ती रायझिंग स्टार पुणे या लहान मुलांच्या मॉडेललिंग शो मध्ये प्रथम रनरअप आहे.
लहान वयात केलेल्या कामगिरीमुळे अखिल भारतीय साहित्य परिषद व तेजस्विनी संस्था यांनी तिची बाल कलाकार म्हणून निवड करून तिला पुरस्काराने सन्मानित केले आहे.
