Big News – अरे बापरे… एकाच घरातील 7 जण कोरोना पॉझिटिव्ह ? मात्र, या प्रक्रियेनंतरच होणार खुलासा

दौंड : सहकारनामा ऑनलाईन (अब्बास शेख)

दौंड तालुक्यातील  पिलानवाडी (राहू बेट) येथील एकाच कुटुंबातील सात जणांना कोरोना व्हायरसचा संसर्ग झाल्याची माहिती समोर येत आहे.

मात्र या सात जणांची झालेली कोरोना टेस्ट ही प्रायव्हेट लॅबमध्ये झाली असून या सर्वांची पुन्हा पुणे येथील  सरकारी लॅबमध्ये चाचणी करण्यात येऊन नंतर त्यांचा रिपोर्ट जाहीर करण्यात येणार आहे. याबाबतची माहिती दौंड तालुका आरोग्य अधिकारी डॉ.अशोक रासगे यांनी ‛सहकारनामा’शी बोलताना दिली.

दौंड तालुक्यामध्ये सध्या कोरोना विषाणूने थैमान घातले आहे. कोरोनाचा वाढता प्रादुर्भाव पाहता आता नागरिकांनीच सतर्क होण्याची वेळ आहे. शासकीय यंत्रणा आपले काम चोख बजावत असले तरी ज्या विषाणूने जगामध्ये धुमाकूळ घातला आहे, त्यास रोखण्यासाठी नागरिकांनी स्वतः काळजी घेणे हाच सर्वोत्तम उपाय मानला जात आहे