सागर बोदगिरे
पुणे : उद्या पासून तमाम महाराष्ट्रातील नाट्यगृह खुली करण्याचा स्वागतार्ह निर्णय जाहीर करण्यात आला आहे. या निर्णयाला अनुसरून सर्व नाट्यगृह उद्यापासून सुरु होत आहेत.
यानिमित्ताने उद्या शुक्रवार दिनांक 22 ऑक्टोबर सकाळी 7:30 वाजता बालगंधर्व रंगमंदीर येथे महाराष्ट्राचे उपमुख्यमंत्री अजितदादा पवार ,अखिल भारतीय मराठी चित्रपट महामंडळाचे अध्यक्ष मेघराज राजेभोसले, सुप्रसिद्ध दिग्दर्शक लेखक नागराज मंजुळे तसेच अनेक चित्रपट, नाट्य सृष्टीतील कलाकार यांच्या प्रमुख उपस्थितीत नटराज पूजनाचा आणि कलाकारांच्या कला सादरीकरणाचा कार्यक्रम होणार आहे. यावेळी राज्याचे उपमुख्यमंत्री अजित पवार यांच्या मनोगताचा कार्यक्रम होणार आहे.
या कार्यक्रमाला कलाकार, तंत्रज्ञ आणि रंगभूमीवरील पडद्यामागील कलाकार उपस्थित राहणार आहेत.
