दौंड : पद्मविभूषण आणि महाराष्ट्र भूषण शिवशाहीर बाबासाहेब पुरंदरे यांना समस्त दौंड करांच्या वतीने भावपूर्ण श्रद्धांजली अर्पण करण्यात आली. तसेच हिंदू हृदय सम्राट, शिवसेना प्रमुख बाळासाहेब ठाकरे यांच्या जयंती निमित्ताने त्यांना आदरांजली वाहण्यात आली.यावेळी शहरातील सर्व राजकीय पक्ष, संघटनांचे पदाधिकारी , शिवप्रेमी उपस्थित होते. येथील छत्रपती शिवाजी महाराज चौकामध्ये बाळासाहेब ठाकरे व बाबासाहेब पुरंदरे यांच्या प्रतिमेस पुष्पहार अर्पण करून अभिवादन करण्यात आले.
शिवशाहीर बाबासाहेब पुरंदरे यांनी मनामनात शिवचरित्र पोहोचविले. त्यांनी सध्याच्या युवा पिढीला शिवचरित्राचा परिचय करून दिला. त्यांनी महाराष्ट्रासाठी दिलेले हे योगदान कोणीही विसरणार नाही. बाबासाहेबांच्या जाण्याने महाराष्ट्राची खूप मोठी, न भरून निघणारी हानी झाली आहे, ईश्वर त्यांच्या आत्म्याला शांती देवो अशा भावना यावेळी दौंडकरांनी व्यक्त केल्या.
