केडगाव (दौंड) : दौंड तालुक्यातील गलांडवाडी येथे राहणाऱ्या सलीम गनी इनामदार यांचा पुत्र अमीर सलीम इनामदार याने आपल्या मेहनतीच्या जोरावर अखेर चार्टर्ड अकाउंटंट (CA) ची परीक्षा उत्तीर्ण केली आहे.
अमीर इनामदार याचे वडील सिक्युरिटी गार्ड म्हणून काम करतात तर आई गृहिणी आहे. अमीर च्या आई, वडिलांनी आपल्या मुलाची शिक्षणाप्रति जिद्द पाहून त्याला चांगले शिक्षण देण्याचा निर्णय घेतला. मोठ्या हलाखीच्या परिस्तिथीमध्ये सुद्धा त्यांनी आपल्या मुलाला शिक्षण देत त्याचे मनोबल वाढवले. तर असताना अमीरनेही एकाग्रतेने अभ्यास करत खडतर अशी परीक्षा उत्तीर्ण होऊन आपल्या आई, वडिलांचे स्वप्न साकार केले आहे.
अमीर सलीम इनामदार याने सीए ची परीक्षा पास केल्याची माहिती मिळताच गलांडवाडी येथील ग्रामस्थांनी त्याला शुभेच्छा देत अभिनंदन केले. तुझ्या कठोर परिश्रमाचे, चिकाटीचे आणि समर्पणाचे हे यथोचित फळ आहे. तुझ्या उज्ज्वल यशाबद्दल आम्हा सर्वांना सार्थ अभिमान वाटतोय, भविष्यातील वाटचालीसाठी खूप खूप शुभेच्छा.. अश्या प्रकारचे स्टेटस ग्रामस्थ आणि त्याच्या मित्रांनी ठेवत त्याला शुभेच्छा दिल्या.
