फडणवीस यांचे ड्रग्ज पेडलरशी संबंध – नवाब मलिक, आत्तापर्यंत जे बाहेर आलं नाही ते मी आणणार – देवेंद्र फडणवीस

By
Team Sahkarnama
-

नवाब मलिक- देवेंद्र फडणवीस यांची जुंपली, दोघांचे एकमेकांवर प्रखर आरोप

मुंबई : देवेंद्र फडणवीस आणि त्यांच्या पत्नी अमृता फडणवीस यांच्या सोबत ड्रग्ज पेडलरचे फोटो दाखवून नवाब मलिक यांनी खळबळ उडवून दिली. तर यावर पलटवार करत देवेंद्र फडणवीस यांनी मी काचेच्या घरात राहत नाही. नवाब मलिक यांचा जावई गांजाच्या प्रकरणी जेलमध्ये असताना हे आमच्यावर आरोप करतात हे हायस्पद असल्याचे सांगून तुम्ही लवंगी फटाके काय फोडता आता आम्ही खरे फटाके फोडून दाखवू असा इशारा दिला आहे.


नवाब मलिक यांनीही फडणवीसांचे चॅलेंज स्वीकारत तय्यार है हम असे ट्विट करून पुन्हा एकदा फडणवीस यांना डिवचले आहे. त्यामुळे दिवाळीतील फटाक्यांपेक्षा राजकीय फटाक्यांवर जतनेचे जास्त लक्ष असणार आहे यात शंका नाही.

राज्यात सध्या समीर वानखेडे प्रकरण गाजत असताना भाजप ने यामध्ये उडी घेत किरीट सोमय्या यांनी नवाब मलिकांना दिवाळी नंतर घोटाळ्याचे फटाके फोडू असा इशारा दिला होता त्यावर मलिक यांनी आज देवेंद्र फडणवीस आणि अमृता फडणवीस यांचे ड्रग्ज पेडलर सोबत फोटो ट्विटरवर टाकून भाजपच्या गोटात खळबळ उडवून दिली आहे त्यामुळे फडणवीस यांनी पत्रकार परिषद घेत आपण काचेच्या घरात राहत नाही मात्र आतापर्यंत जे बाहेर आलं नाही ते मी आणणार असा इशारा आघाडी सरकार आणि नवाब मालिकांना दिला आहे. त्यामुळे आता दिवलीतच राजकीय फटाके फुटणार यात शंका नाही.

https://www.facebook.com/Sahkarnama-102021364735821/