केडगाव, दौंड : दौंड तालुक्यातील सर्वात मोठी बाजारपेठ आणि राजकीय घडामोडिंचा केंद्रबिंदू समजल्या जाणाऱ्या केडगाव येथे ग्रामपंचायत उपसरपंच पदाच्या निवडणुकीत मोठी राजकीय घमासान पहायला मिळाली आहे.
केडगाव ग्रामपंचायतच्या उपसरपंच पदाची निवडणूक जाहीर होताच स्थानिक पातळीवर सक्रिय असणाऱ्या गटात मोठ्या प्रमाणावर राजकीय डावपेचांना सुरुवात झाली. याचाच एक भाग म्हणून ज्याने त्याने आपापले सदस्य अज्ञातस्थळी हलवले मात्र हे करत असताना कुल गटाचे दोन सदस्य हे गायब असल्याचे समजताच एकच खळबळ माजली. अगोदरच केडगाव ग्रामपंचायतवर कुल गट विरोधी सरपंच विराजमान असताना आता आपले दोन सदस्य गायब झाल्याने उपसरपंच सुद्धा विरोधी गटाचा होतो कि काय या विचाराने कुल गटात चिंतेचे वातावरण निर्माण झाले. मात्र शेवटपर्यंत हार मानायची नाही असा चंग बांधत कुल गटाने मोठी व्युह रचना आखली.
त्यांनी दोन वेगवेगळी पथके तयार करुन सदस्य शोधण्याची मोहीम सुरु केली. एका ठिकाणी आपले दोन सदस्य विरोधी गटाने ठेवले असून त्यांना कुठेही जाऊ दिले जात नसल्याचे अण त्यांच्या जागा बदलल्या जात असल्याची टीप कुल गटाच्या जेष्ठ कार्यकर्त्यांना मिळाली अण मिळालेल्या माहितीच्या आधारे चारचाकी वाहनांनी माग काढण्यास सुरुवात केली. पळवून नेलेल्या सदस्य हे अमुक अमुक वाहनात असून त्यांना पुन्हा अज्ञात स्थळी हलवले जात असल्याची पक्की खबर कुल गटाच्या शोध मोहीम पथकाला लागताच त्यांनी त्या वाहनाचा फिल्मीस्टाईलने पाठलाग सुरु केला.
एका ठिकाणी दोन्ही गटाच्या गाड्या एक दुसऱ्याला क्रॉस झाल्या त्यावेळी मात्र वातावरण स्फोटक बनले होते मात्र त्याचवेळी काही पदाधिकाऱ्यांनी सय्यमाची भूमिका घेत आपले सदस्य विरोधी पार्टीच्या हातातून सोडवत थेट केडगाव गाठले अण त्यानंतर केडगाव ग्रामपंचायतच्या उपसरपंचपदी कुल गटाच्या भाऊसाहेब शेलार यांची बिनविरोध निवड झाली. या सर्व प्रक्रियेमध्ये केडगाव येथील कुल गटाच्या पदाधिकारी आणि कार्यकर्त्यांनी मोलाचा वाटा उचलत मोहीम फत्ते केली.
