दौंड ग्रामिण : दौंड तालुक्यातील कासुर्डी येथे स्वतःजवळ गावठी पिस्तूल बाळगणाऱ्या आरोपीला यवत पोलिसांनी अटक केली आहे. फिरोज कचरू सय्यद असे आरोपीचे नाव असून त्याच्याविरुद्ध गुरुनाथ युवराज गायकवाड (पोलीस हवालदार, यवत पोलीस स्टेशन) यांनी फिर्याद दिली आहे.
यवत पोलिसांकडून मिळालेल्या माहितीनुसार सदर आरोपी हा आपल्याजवळ गावठी पिस्तूल घेऊन फिरत असल्याची माहिती यवत पोलिसांना मिळाली होती. यावेळी यवत पोलीस ठाण्यातील फिर्यादी व त्यांच्या सहकारी यांनी सदर आरोपीला पिराच्या मंदिराजवळ कासुर्डी भरतगाव रोडवर थांबवून त्याची झडती घेतली असता त्याकडे एक गावठी पिस्तूल, एक जिवंत काडतूस मिळून आले.
या नंतर या युवकाला पोलिसांनी ताब्यात घेत त्याच्यावर गुन्हा दाखल केला आहे. या घटनेचा पुढील तपास पोसई मोरे करीत आहेत.
