अब्बास शेख
दौंड (केडगाव) : दौंड तालुक्यातील केडगाव (जगतापवस्ती) येथे राहणाऱ्या आर्या संभाजी गायकवाड या 16 वर्षीय मुलीचा रेल्वे अपघातामध्ये मृत्यू झाला आहे. आर्या हिने नुकतीच दहावीची परीक्षा दिली होती. शाळेत हुशार आणि होतकरू असणाऱ्या आर्याच्या अचानक मृत्यूने येथील जगताप वस्तीवर शोककळा पसरली आहे.
मिळालेल्या माहितीनुसार दि.22 एप्रिल रोजी सायंकाळी सव्वा सात ते साडे सात वाजण्याच्या सुमारास रेल्वेची धडक बसली. या धडकेत आर्याचा जागीच मृत्यू झाला. घटनेची माहिती मिळताच स्थानिक नागरिक आणि पोलिसांनी घटनास्थळी जाऊन पाहणी केली.
केडगाव पोलीस चौकीचे सहाय्यक पोलीस निरीक्षक सपांगे, पोलीस सहाय्यक पोलीस उपनिरीक्षक गाडेकर, पोह चोरमले यांनी घटनास्थळी भेट देऊन मृतदेह शवविच्छेदणासाठी यवत ग्रामिण रुग्णालयात पाठवून दिला होता. शवविच्छेदण झाल्यानंतर तीचा मृतदेह नातेवाईकांच्या हवाली करण्यात आला. त्यानंतर रात्री उशीरा तीचा अंत्यविधी करण्यात आला. आर्यासोबत घडलेल्या घटनेने केडगाव येथील जगताप वस्तीवर शोककळा पसरली असून इतक्या कमी वयात झालेल्या तीच्या मृत्यूने नागरिकांमधून हळहळ व्यक्त केली जात आहे.
