धारदार शस्त्रांनी जीवे मारण्याचा प्रयत्न केल्याप्रकरणी ‛धनंजय देसाई’सह 7 जणांवर गुन्हा दाखल

पौड : प्रदिप शिवाजी बलकवडे यांनी त्यांच्या नावे असलेली जमिन धनंजय देसाई
याच्या नावे लिहुन दे, नाहीतर तुला मारून टाकण्यात येईल अशी शिविगाळ, दमदाटी
करून फिर्यादी प्रदिप शिवाजी बलकवडे यांना तलवार लोखंडी रॉड, काठयांनी जिवे
ठार मारण्याच्या उद्देशाने डोक्यात मारहाण करून गंभीर दुखापत केल्याप्रकरणी धनंजय देसाई याच्यासह सात जणांवर गुन्हा दाखल करण्यात आलेला आहे.

पौड पोलीस ठाण्यामध्ये धनंजय देसाई आणि त्याच्या साथीदारांवर भा.द.वि. कलम ३०७,
४४८,४५०,१४३,१४४,१४७,१४८,१४९,१२०ब, ५०४,५०६ सह आर्म अॅक्ट ३ (२५),
४(२५), किमीनल अमेंडमेन्ट अॅक्ट कलम ७ महाराष्ट्र पोलीस कायदा कलम ३७(१),
१३५ अन्वये गुन्हा दाखल करण्यात आलेला आहे. सदर गुन्हयाच्या तपासामध्ये खालील आरोपी निष्पन्न झालेले असुन त्यांना
अटक करण्यात आलेली आहे.

१) धनंजय देसाई, २) रोहित
संजय काकतकर, ३) शाम विलास सावंत, ४) निखील आनंदा अचरेकर, ५) सुरज
रमेश मेहरा, ६) कुणाल आनंद निकम यांना अटक करून मा. प्रथमवर्ग न्यायदंडाधिकारी
सो, शिवाजीनगर कोर्ट क.७ पुणे यांचे समक्ष हजर केले असता त्यांना दिनांक
०९/०८/२०२३ रोजी पर्यंत पोलीस कोठडी रिमांड सुनावलेली आहे. सदर गुन्हयाचा
पुढील तपास पोलीस निरीक्षक मनोजकुमार यादव हे करीत आहेत.