राहुल अवचर
देऊळगावराजे : देऊळगाव राजे येथील सिद्धेश्वर माध्यमिक व उच्च माध्यमिक विद्यालयाचा दहावीच्या बोर्डचा निकाल 97.14% एवढा लागला असून पायल भाऊसाहेब गरदडे या विद्यार्थिनीचा यात प्रथम क्रमांक आला आहे. तिला 94.20% इतके शेकडा गुण मिळाले आहेत
या विद्याल्यामध्ये एकूण शंभर विद्यार्थी दहावीच्या परीक्षेला बसले होते त्यातील 97 विद्यार्थी या परीक्षेमध्ये उत्तीर्ण झाले आहेत. उत्तीर्ण विद्यार्थ्यांपैकी प्रथम क्रमांक पायल भाऊसाहेब गरदडे (94.20 %) द्वितीय क्रमांक प्राची दिलीप विग्ने (91.80 %) तृतीय क्रमांक समाधान विजय गांजले (89.60 %)
या सर्व उत्तीर्ण विद्यार्थ्यांचे संस्थेचे अध्यक्ष आप्पासाहेब पवार, उपाध्यक्ष आनंदराव गिरमकर, सचिव हरिश्चंद्र ठोंबरे, खजिनदार संदीप नय्यर, शाळेचे मुख्याध्यापक सुनील गावडे आणि संचालक मंडळ शिक्षक शिक्षिका यांनी अभिनंदन केले आहे.
