|सहकारनामा|
दौंड : आंतरराष्ट्रीय स्तरावर सामाजिक कार्य करणारे रोटरी इंटरनॅशनल क्लब अंतर्गत रोटरी क्लब ऑफ दौंडच्या अध्यक्षपदी शालिनी पवार व सचिव पदी पायल भंडारी यांची निवड करण्यात आली.सन 2021-22 या वर्षासाठी ही निवड करण्यात आली आहे.दि 26 जून रोजी ऑनलाइन पद्धतीने पदग्रहण समारंभ पार पडला.
रोटरीचे माजी प्रांतपाल तथा माहिती तंत्रज्ञान क्षेत्रातील तज्ञ डॉ. दीपक शिकारपुर यांच्या उपस्थितीत मावळते अध्यक्ष सुशील शहा यांनी शालिनी पवार यांच्याकडे अध्यक्षपदाचा कार्यभार सोपविला तसेच मावळते सचिव उल्हास मिसाळ यांनी पायल भंडारी यांच्याकडे सचिव पदाचा कार्यभार सुपूर्द केला. यानंतर कार्यकारणी सदस्यांची निवड करण्यात आली. दौंड शहर व तालुक्यामध्ये रोटरी क्लब च्या माध्यमातून समाजोपयोगी उपक्रम राबवून सर्व घटकांसाठी विशेषतः शहरातील हनुमान नगर परिसरामध्ये आरोग्य, शिक्षण, पर्यावरण, उपजीविका यासंबंधी मार्गदर्शन करून सर्वांना विशेष सहकार्य करणार असल्याचे नूतन अध्यक्षा शालिनी पवार यांनी सांगितले.
यावेळी रोटरी क्लब ऑफ दौंड, बारामती व इतर क्लबचे सदस्य तसेच रोटरी क्लब ऑफ पुणे विभाग 3131 चे जिल्हा पदाधिकारी, ऑस्ट्रेलिया, अमेरिका या देशातील सदस्य सहभागी झाले होते. कार्यक्रमाचे प्रास्ताविक सुशील शहा यांनी केले, सूत्रसंचालन अर्चना मिसाळ यांनी व डॉ. राजेश दाते यांनी आभार मानले.
रोटरी क्लब ऑफ दौंड, कार्यकारिणी सदस्य : 2021-22
अध्यक्ष शालिनी पवार, सचिव पायल भंडारी, सहसचिव उल्हास मिसाळ, खजिनदार असलम शेख, सह खजिनदार अविनाश हरहरे, उपाध्यक्ष नीलम मेवानी, क्लब ट्रेनर डॉ. विनोद पोखरणा, डायरेक्टर क्लब एडमिन डॉ. राजेश दाते, डायरेक्टर मेंबर शिप प्रज्ञा राजोपाध्ये, डायरेक्टर फाउंडेशन प्रफुल भंडारी, डायरेक्टर सर्विस प्रोजेक्ट( मेडिकल) डॉ. फीलोमन पवार, डायरेक्टर सर्विस प्रोजेक्ट( नॉन मेडिकल) नवनाथ गोरे, डायरेक्टर युथ सर्विस राकेश अग्रवाल, डायरेक्टर पब्लिक रिलेशन अमीर शेख, डायरेक्टर आय.टी.( ऑफिसर) डॉ. मुकुंद भोर, डायरेक्टर पर्यावरण सुनील ढगे, सह डायरेक्टर पर्यावरण किरण फराटे, सार्जंट ऍट आर्म्स संजय इंगळे, आय. पी. पी. सुशील शहा प्रेसिडेंट इलेक्ट डॉ. राजेश दाते.
