|सहकारनामा|
बारामती : सुपा येथील हजरत ख्वाजा शाहमन्सूर बाबांचा उरुस २७/६/२१ ते ३०/६/२१ रोजी संपन्न झाला. पहिल्या दिवशी सकाळी बाबांचे शाहीस्नान व संध्याकाळी बाबांचा संदल विश्वस्त, मानकरी, फकीर व भाविकांच्या मोजक्याच उपस्थितीत पार पडला.
कोरोना प्रादुर्भावामुळे दुसऱ्या व तिसऱ्या दिवशीचे सर्व प्रोग्राम रद्द करण्यात आले होते, भाविकांना दर्गाच्या दर्शनी भागापर्यंत सर्व शासकीय नियमांचे पालन करून दर्शनाची सोय उपलब्ध करण्यात आली होती.
शेवटच्या दिवशी सकाळी जियारत करण्यात आली. यामध्ये मौलाना पीरनवाज अशरफी, पुणे व मौलाना इमरान अशरफी, पुणे यांनी उपस्थितांना मार्गदर्शन केले. त्यानंतर पॅकिंग करून शाकाहारी लंगर (भंडारा) च्या प्रसादाचे वाटप दर्गाहच्या दर्शनी गेट वर उपस्थित भाविकांना करण्यात आले.
हे सर्व कार्यक्रम शाहमन्सूर दर्गा कमेटी व मन्सूर युथ क्लब च्या वतीने करण्यात आले.
याकामी वडगाव निंबाळकर चे ए पी आय लांडे सााे, सुपा औट पोस्ट चे पी एस आय शेख व त्यांचे सर्व सहकारी यांचे बहुमोल सहकार्य लाभले अशी माहिती शाहमन्सूर दर्गा वक्फ कमेटी चे चिफ ट्रस्टी युनूसभाई कोतवाल यांनी दिली.
