दौंड / केडगाव : दौंड तालुक्यातील केडगाव या मुख्य बाजारपेठेतील एका व्यापाऱ्यास व्याजाच्या पैशांवरून खाजगी सावकारांनी मारहाण केल्याची घटना घडली आहे. याबाबत अक्षय भालचंद शतानी (रा.केडगाव, ता.दौंड जि.पुणे) यांनी फिर्याद दिली आहे.
शतानी यांनी दिलेल्या फिर्यादीनुसार सन २०१९ ते २०२२ पर्यंत वेळोवेळी आरोपी संतोष शिवाजी बनसोडे (रा.खोपोडी, ता.दौंड पुणे) बालाजी विठ्ठल ननवरे (रा.दापोडी ता.दौंड ) पांडुरंग कड (रा.केडगाव स्टेशन, ता.दौंड ) सुरज तात्या दोरगे व तात्या दोरगे (रा.यवत ता.दौंड ) आणि दादा टिळेकर (रा.उरुळी कांचन ता हवेली जि पुणे) या सर्वांनी आपापली व्याजापोटी असलेली रक्कम मागून वरील ६ जनांनी फिर्यादीला लाथाबुक्याने मारहाण करून
व शिविगाळ दमदाटी करून व्याजाची
रक्कम दे नाहितर तुला व तुझ्या घरच्यांना
जिवे मारून टाकुन देईल अशी धमकी
दिली.
तसेच दिनांक ०८/०३/२०२२ रोजी फिर्यादीचे वडील भालचंद शतानी यांना सुरज दोरगे याने त्याच्या लाल रंगाच्या गाडीमध्ये टाकून केडगाव स्टेशन ता.दौंड येथुन सुरज दोरगे, बालाजी ननवरे, संतोष बनसोडे, पांडुरंग कड यांनी शिवीगाळी करून जिवे मारण्याची धमकी
दिली होती त्यानंतर त्यांना लोणीकाळभोर येथील राजेंद्र हॉटेल समोर सोडुन ते निघुन गेले होते. दोन्ही पिता पुत्रास व्याजाच्या पैशावरून मारहाण, दमदाटी करने व खाजगी सावकारकी करने या कलमान्वये गुन्हा दाखल करण्यात आला असून अधिक तपास पोनि.नारायण पवार यांच्या मार्गदर्शनाखाली पोसई नागरगोजे हे करीत आहेत.
