दौंड : दौंड शहर व तालुका शिवजयंती समितीच्या वतीने ३० एप्रिल रोजी वक्तृत्व स्पर्धेचे आयोजन करण्यात आल्याची माहिती समितीचे अध्यक्ष नितीन वाघ यांनी दिली आहे.
सालाबादप्रमाणे दोन वर्षांच्या खंडानंतर दौंड शहरात तिथीनुसार २ मे रोजी शिवजयंती साजरी केली जाणार आहे. शिवजयंती निमित्त दौंड – सिध्दटेक रस्त्यावरील स्वर्गीय लाजवंती गॅरेला विद्यालयात शनिवारी (ता. ३०) सकाळी 10 वा. या स्पर्धेचे उद्घाटन होणार आहे. स्पर्धेसाठी पहिला गट (इयत्ता १ ली ते ४ थी), दुसरा गट (इयत्ता ५ वी ते ८ वी ) , तिसरा गट ( इयत्ता ९ वी ते १२ वी) आणि चौथा गट – खुला गट, असे चार गट तयार करण्यात आले आहेत.
गटनिहाय विषय पुढीलप्रमाणे : –
- गट पहिला (इयत्ता १ ली ते ४ थी ) विषय : १) मी छत्रपती शिवाजी महाराज बोलतोय २) मी राजमाता जिजाऊ बोलतेय ३) मी छत्रपती संभाजी महाराज बोलतोय
- गट दुसरा (इयत्ता ५ वी ते ८ वी) विषय : १) राजमाता जिजाऊ : चरित्र व कर्तुत्व २) आधी लग्न कोंढाण्याचे मग रायबाचे ३) मी रायगड बोलतोय ४) माझा आवडता शिवरायांचा शिलेदार
- गट तिसरा ( इयत्ता ९ वी ते १२ वी ) विषय : १) शिवरायांचा आठवावा प्रताप २) स्वराज्यरक्षक : संभाजी महाराज ३) लाँकडाऊनने जगणे शिकवले ४) महिला सबलीकरण : वास्तव आणि अपेक्षा
- खुला गट विषय : १) छत्रपती शिवराय – व्यवस्थापनगुरू २ ) लॉकडाऊनमध्ये गवसलेली नाती ३ ) आम्हांला खरचं राजे समजलेत काय ? ४ ) व्यसन सोशल मिडीयाचे , पालटले चित्र समाजाचे
विजेत्यांना सन्मानचिन्ह, प्रशस्तिपत्र व रोख पारितोषिके दिली जाणार आहेत.
स्पर्धेच्या विनामूल्य नाव नोंदणी व माहितीसाठी सोमनाथ लवंगे ( ७०८३२७६१८३) किंवा डॅा. प्रा. अरूणा मोरे (९८५००१४५७३) यांच्याशी संपर्क साधण्याचे आवाहन समितीच्या वतीने करण्यात आले आहे.
