|सहकारनामा|
दौंड : दौंड तालुक्यातील यवत परिसरात चोरट्यांनी धुमाकूळ घातला असून पोलीस आणि नागरिकांची नजर चुकवून हे चोरटे मेडिकल आणि ज्वेलरी शॉपला टार्गेट करत असल्याचे विविध घटनानांवरून समोर येत आहे.
फिर्यादी रवींद्र सुरेश बोत्रे (रा.यवत ता.दौंड) यांनी दिलेल्या फिर्यादीनुसार यवत येथे ता.२०/०७/२०२१ रोजी रात्रौ.९:३० वाचे.ते ता.२१/०७/२०२१ रोजी सकाळी ०८:०० वाजण्याच्या पुर्वी यवत गांवातील रविदिप नावाने असलेल्या मेडिकलचे शटर 3 अज्ञात चोरटयांनी उचकटुन मेडिकलमध्ये प्रवेश करून मेडिकल मधील 20 हजार रुपये किमतीचा HP कंपनीचा लॅपटॉप चोरून नेला आहे.
तसेच या दुकानाशेजारी असलेले मदाराम जेठाराम कलबी (रा.यवत, ता.दौंड, जि.पुणे) यांचे ही अंबीका ज्वेलर्स नावाच्या दुकानाचे शटर चोरट्यांनी उचकटुन चोरी करण्याचा प्रयत्न केल्याचे फिर्यादी यांना समजले आहे.
म्हणून फिर्यादी यांनी त्या तीन अज्ञात चोरट्यांविरुद्ध तक्रार दिली आहे.
